Diahuebs atardi riba rednan social a cuminsa speculacion riba fecha tentativo nobo pa Carnaval 2021. Mes ora a tuma contacto cu Presidente di SMAC Jason Brown pa un aclariacion riba e presunto fecha nobo pa Aruba su Carnaval.
Brown a informa cu un reunion cu Gobierno a tuma luga ayera ( diaranson juni 24,2020 ) y SMAC pero cu nada oficial a bin dilanti. A pone riba mesa algun fecha tentativo pero cu no a yega na un palabracion y menos un anuncio oficial riba cambio di fecha.
Mientrastanto rumornan fuerte ta keda insisti cu e fecha lo ta den luna di Juli 2021 y como tal lo trece bastante cambio pa e temporada di actividad/eventonan di mas grandi riba nos Isla. Lo keda den contacto y pendiente pa un update y confirmacion di e informacion aki pa asina comparti esaki cu e pueblo carnavalesco cu sigur lo ta sumamente interesa den e cambio aki.
