Pa hopi tempo caba Canal 90 bo superstation ta den proceso di cambio pa asina trece mas programanan pa entretene y educa grandi y chikito. Den e buskeda pa trece cambionan y bini cu mas ideanan nobo pa complace e radio oyentenan a cuminsa recluta caranan nobo n’e radio emisora y asina por bisa cu e aña aki ta hopi programanan nobo y caranan nobo a cuminsa ta resona na e superstation.
Bao maneho di un gerente nobo ta di spera cu hopi cambio mas lo bini pa asina cumpli tambe cu e demanda di un radio cu semper a aporta na comunidad tanto den entretene y educa ta p’esey ta hopi mas programanan nobo lo bini y cara nobo. Siomara ta conoci pa ta host programanan manera Nos Mainta y Magia di Pasco pa mas di 20 aña na Tele Aruba. Siomara semper a gusta e idea di educa un pueblo y esaki e la bini ta haci pa hopi aña den su carera como periodista tanto den radio, television y corant.
Siomara lo regresa radio y ta join e team di Canal 90 bo superstation pa asina por duna su contribucion na educa nos comunidad pa medio di trece cambionan den entre otro “”Pueblo na Palabra” caminda pueblo ta opina manera semper pero cu respet. Siomara lo trece cambionan den trece tur dia tema y topiconan actual pa asina tur hende por opina y trece nan ideanan cu solucionnan riba nivel. Idea di esaki ta pa tur dia nos comunidad ta altanto di loke ta pasando na Aruba di un manera neutral y cu pueblo por opina y participa tur dia na un forma sano cu formacion di solucionan. Siomara lo trece topiconan di dia señalando tambe na un forma investigativo temanan actual y di vital importancia pa nos comunidad. Ademas Siomara lo sa di duna noticia di ora cada ora cu noticianan actual. Superstation den su new look ta yama bon bini na Siomara Everon. Por spera hopi mas cara nobo y programanan tambe na Canal 90. 2020 ta priminti di tin cosnan grandi pe oyentenan di Canal 90.
