Pa medio di e carta aki directorado di Colegio San Augustin kier informa bo persona mayornan di e anochi di informacion cu normalmente ta organisa tur aña.
Relaciona cu e ultimo desaroyonan di COVID-19 directorado a tuma e decision cu e anochinan di informacion pa mayor lo tuma luga via di e plataforma digital, cual ta ‘Google Meet’. Directorado ta di opinion cu dicho decision tuma ta e forma mas responsabel pa organisa e anochinan y asina descarta tur posibilidad di contagio durante e encuentronan.
E anochi di informacion pa e alumno di CA2 (examenklas) lo tuma luga dia 30 di september 2020 y esun pa CB1 (1), CB2 (2) y CA1 (3) lo tuma luga dia 1 di oktober 2020. E orario di ambos encuentro ta di 7 pa 8 di anochi.
Procedura:
E mentor lo manda bo persona un invitacion pa e anochi aki via e skoa mail di bo yiu. Pa e anochi aki por cana bon directorado ta pidi bo persona encarecidamente pa tene cuenta cu e siguiente puntonan:
❖ Pone e microfon na silencio (mute) y bo ta kita esaki (unmute) solamente ora bo persona ta desea di haci un pregunta y of duna un sugerencia/opinion
❖ Ta haci un apelacion pa tin bo camara cendi, pa asina por tin un miho interaccion
❖ Lo graba e encuentro , pa asina comparti e grabacion cu tur mayor
Si resulta cu bo persona no por asisti na e anochi informativo pa un of otro motibo, directorado ta haci un peticion urgente na bo persona pa bo notifica e mentor mas pronto cu ta posibel y pa bo indic’e e motibo.
E mentor lo percura di manda tur informacion y e video di e encuentro via mail y asina bo persona por repasa tur informacion den tur trankilidad
Si resulta cu bo persona tin pregunta, sinti bo liber di tuma contacto cu e mentor di bo yiu via su skoa mail
Pa finalisa directorado kier desea tur mayor y alumno hopi salud, forsa y pasenshi den e periodo inusual aki.
