Sin kier bay den polemica y polarisacion, sostenedonan di e mocion di desconfiansa contra Directiva di ABBA cu a wordo aproba, completamente conforme e Statuut, HR y usance di ABBA, ta bisa cu a tuma nota di varios declaracion, articulonan y postnan saliendo riba rednan social cu no ta yuda pa pone un fin na e situacion desastroso cu tin den ABBA.
E grupo ta bezig buscando un salida elegante di e impasse aki, pa evita un caso den Corte. Si no yega na un claridad prome, ta inevitabel cu lo mester cuminsa un caso sumario.
Un cos ta sigur, mester pone un fin na e situacion reinante y esunnan cu kier sirbi solamente e bienestar general di baseball lo haci nan maximo esfuerzo pa por yega na un bon comprendimento cu entre otro SSA y cumpli cu reglanan pa haya subsidio y cu ABBA lo responsabilisa y no manera ta awor cu no ta entrega jaarrrekeningen, tampoco presupuesto, no ta entrega relato financiero di biahenan, etc.
Tanten cu no haci esaki, logicamente ABBA lo no haya e fondonan necesario y lo keda haya su mes den problema cu tur consecuencia. Ta pesey ta indespensabel pa laga e comision haci su trabou pa pone ABBA bek riba rails y cu pronto por tin baseball sin problema.
Firma pa e teamnan di e mocion di desconfiansa contra ex-Bestuur di ABBA
