Diahuebs a tuma luga un simulacro di tsunami na e scolnan di Dakota, unda cu pa 11:17am nan a ricibi e prome señal di evacuacion. Sheila Lazo-Tromp, Cabesante di Pius X School y tambe Incidente Commander, a cuminsa na bisa cu pa 11:17am nan a haya e señal cu mester e evacuacion on y di biaha e tres scolnan a Sali bay Centro di Bario y Deporte Dakota, cual tabata e punto di encuentro.
Den e simulacro aki a participa rond di 350 alumno. Di dos scol tabata falta dos klas di mas o menos cuarenta alumno, cu no por a participa door cu nan tabata na zwemles.
PROCESO
Na momento cu haya e señal, e team mester ta prepara, ya nan a haya e splicacion di e plan. Tambe a train e evacuacion. Manera a haya e señal, nan a pasa man cu nan tas, unda cu nan tabatin nan pechi, y nan lista di nomber. E ora nan tin cu sali cu e muchanan.
Ya e muchanan a custuma, nan a train esaki caba, nan sa unda nan tin cu cana y unda nan tin cu bay. E ta algo cu e muchanan mester por practica pa sigui e procedura. Toch lihe nan a sali for di e tereno di scol.
Na final, a warda e peliger pasa, pa haya e señal, pa por sa cu nan ta safe. Cada scol a haci nan clearing, pa wak cu tur mucha t’ey, cu nan por haci nan clearing cu tur mucha por bay bek scol despues.
