Shakira lo mester confronta, finalmente un causa penal pa fraude fiscal. E Servicio di Belasting a cera su investigacion riba e cuentanan di e cantante Colombiano y a conclui cu entre 2012 y 2014, a defrauda presuntamente 14,5 miyon di euro na Belasting cu impuestonan di renta (IRPF) y patrimonio.
Ministerio Publico, cu a investiga e caso durante e ultimo aña, a notifica ya e defensa di e artista, loke ta nifica cu den e proximo dianan lo presenta un demanda na hues pa tres delito di fraude fiscal, segun fuentenan cercano na e proceso a declara na El Pais.
E clave di e investigacion riba Shakira Isabel Mebarak Ripoll ta radica den sa unda fiho su residencia fiscal ta, por lo menos for di 2011, ora cu el a haci publico su relacion cu e defensa di Barca, Gerard Pique.
Den su contundente informe final, e Agencia di Belasting ta sostene cu desde e tempo ey e tabata biba na Barcelona. Ley tambe ta establece cu si un ciudadano pasa mita di e aña (mas un dia) na Spaña, mester considera e residente na efectonan fiscal.
Segun Impuesto, Shakira a simula biba na Bahamas pa eludi e pago di impuesto.
Inspectornan a trata di acredita e residencia di Shakira mediante multiple procedimento.
Nan a investiga su bida cotidiano: nan a bishita e establecimento cu e ta acudi cu frecuencia – como su pelukeria habitual, na Barcelona y a rastrea su actividad riba rednan social manera Instagram. E informe ta admiti cu ningun di e tres añanan bao investigacion (2012, 2013 y 2014) por a proba cu e lo a pasa den e pais mas di mita di e aña. Esun cu mas ta acerca na esey ta 2014, cu 140 dia.
E Agencia di Belasting, di tur modo, ta consider’e igualmente residente pasobra e resto di tempo e tabata tin “ausencianan sporadico” motiva pa su trabao como artista internacional.
Den su splicacionnan na Impuesto, Shakira a bisa cu e tabata biba na Bahamas, unda cu na 2004 el a cumpra un cas cu su expareha Antonio de la Rua. Na 2013, fuentenan cercano ta recorda e artista, a pasa seis luna grabando na Merca e programa The Voice. No tabata te na final di e aña ey, ora cu el a haya su prome yiu cu Pique, ora cu el a dicidi di cumpra un cas na Esplugues de Llobregat, cerca di Barcelona. Shakira a declara su mes oficialmente residente na Spaña na 2015.
Segun fuentenan di e caso, Impuesto a baraha inicialmente un debe cercano na 30 miyon, cu por a rebaha te na 14,5, fruto di negociacionnan haci.
