N’e momento cu un gabinete baha y un otro subi, e politiconan cu no ta bin bek den parlamento of ta minister, tin e derecho segun articulo 4 pa cobra un overbruggingtoelage.
Awo, segun parlamentario di MEP, Setty Christiaans-Yarzagaray, e ley a indica cu n’e momento cu stop di ta parlamentario of minister, mag di cobra un Overbruggingtoelage, desde dia un di e siguiente luna.
Manera un bon Arubiano, na momento cu el a traha te dia 7 di juli den parlamento, ta nifica cu dia 8 pa dia 31 di juli, e no a cobra. Pero si tin su gastonan. Pero si ta cu ni un kwart di su salario, con por cubri su mes.
Loke gobierno a haci ta, el a cambia e palabra di ‘vanaf 1 augustus’ of den e caso aki ‘1 van de volgende maand’, pa ora e politico caba, e por cobra su overbruggingtoelage mesora.
Na prome luga pasobra overbrugging hustamente kiermen esey: con ta yuda sostene e politico cu ya tin su gastonan pa cubri e resto di luna si a cay ni un kwart di un salario. P’e motibo aki e cambio di ley, no tin ningun implicacion.
Pa un cobertura mas amplio lesa e edicion di TREMPAN di mañan.
