Un topico cu ta hopi den noticia den e ultimo simannan ta relaciona cu e introduccion di e ley cu lo permiti matrimonio entre dos persona di e mesun sexo.
Siman pasa ainda tabata tin e Asociacion di Pastoornan Cristian cu a manifesta contra di esaki, despues cu e barco cu turistanan homosexual a bishita nos isla y varios di nan a haci algun cos menos netchi. Pero e ley aki, segun Setty Christiaans-Yarzagaray, parlamentario pa partido MEP, no a yega parlamento ainda. Colega di coalicion, drs. Misha Raymond di RAIZ hunto cu Miguel Mansur di Accion21 ta iniciatiefnemer di e ley cu ta regarda e matrimonio di e mesun sexo den parlamento.
Segun Christiaans, tin dos cos ta canando pareu actualmente: Nan ta canando e trayectoria di ley pa Aruba acepta matrimonio di mesun sexo na Aruba. Y na momento tin un grupo cu a bay corte, cu a perde su caso den prome instancia y apela, cual caso el a gana, pa Aruba por acepta e parti legal y reconoce cu por acepta matrimonio di mesun sexo den nos sistema constitucional.Gobierno mester a tuma un decision recien si e ta bay Corte di Casacion, pa locual ta trata e parti di unda c’un hues ta dicta riba un parlamento, di kico lo mester wordo introduci. El a enfatisa cu e ta para pa igualdad, pero no mester asocia igualdad cu e matrimonio di mesun sexo so.
Pa mas informacion, lesa TREMPAN.
