Dialuna mainta durante e conferencia di prensa di partido MEP, un di e topiconan cu a bin dilanti ta e situacion di e cacho maltrata cu a hala hopi atencion, contrario n’e Ley contra Abuso di Mucha.
Ta reina e sentimento cu e Ley contra Abuso di Mucha ta pega. Riba esaki, Setty Christiaans-Yarzagaray, parlamentario pa partido MEP a cuminsa na bisa cu Gobierno di Aruba ta bezig cu esaki. Esaki ta un di e motibonan pa cual Gobierno a decreta luna di april basa riba conscientisacion di abuso di mucha y derechonan di mucha. Hopi hende no sa cu a adapta e ley aki a caba, unda cu a hisa e castigo. A tuma diferente medida pa no solamente conscientisa, pero tambe reenforsa e ley.
Anteriormente, den caso di abuso di mucha, no solamente e ley, pero ora cu e yega Ministerio Publico y/o hues, e no ta haya e castigo necesario. Comunidad di Aruba pidi pa hisa e castigo, cual Parlamento di Aruba a cumpli cu ne tambe. Christiaans-Yarzagaray a enfatisa cu no ta Parlamento ta aplica ley, esey ta keda den man di e autoridadnan hudicial. Parlamento ta traha e ley, pero ta hues mester duna castigo. Den e caso aki, un campaña di conscientisacion mester ta fuerte ya cu hopi biaha e problema ta sinta na prueba. E parti forensico, con ta atende cu esaki, ta hopi importante.
Pa mas lesa TREMPAN.
