Segun Chico Gang ta bisa autoridad cu mr. Jeannot de Cuba cu ta curator a duna ok pa e usa e tereno. Ta un tereno cu ta den Elleboogstraat net patras di La Linda. E presencia di Chico Gang riba e tereno a bira un problema pasobra nan a crea henter un vivienda riba e tereno. Parce ta horta coriente tambe.
Polis a papia cu e curator mr. Jeannot de Cuba cu a bisa mesora cu e tereno ey, e mes no tin poder riba dje. Ta un tereno den henter e disputa di esunnan di La Linda. Berdad e tin beslag riba dje y ta atendiendo caso legal contra e grupo cu ta di Panama. Nunca e intencion tabata pa Chico Gang crea un mansion riba e tereno.
Chico Gang ta un conoci di husticia y ta hopi agresivo, a traha cas riba e propiedad. E ta full cera cu muraya y bladenan special di siguridad. Ta manera un prizon esaki ta cu ningun hende por pasa. Awo e curator a hay’e cu polis na su porta basa riba loke Chico Gang a conta nan.
El a splica polis cu e tin beslag so riba e tereno y no tin poder pa laga ningun hende eynan. Polis a bay cu e curator na e sitio y mesora e curator a bisa Chico Gang cu e ta hayando problema cu polis. A bis’e cu e mester bandona e tereno. Dimes Chico Gang no a aprecia esaki masha. Polis tambe a cay aden y a inform’e cu den dos pa tres dia e mester bay.
Pero Chico Gang kier tres siman. E kier caba di drecha su espacio na su cas na Dakota pa por muda. Parce cu prome cu esey mester move. Polis a splic’e cu tin hopi keho di hortamento y cu cosnan horta ta end up riba e propiedad ey. Tambe tin keho cu tin benta di droga tumando luga. Tur esey polis a bisa Chico Gang cu pocopoco a cuminsa compronde cu su presencia no ta aprecia mas riba e tereno of den e vecindario.
