E fundeshi diverso di Charisse Hoen a siñ’e hopi les di bida valioso. Como un enfermero, el a siña pa refina su naturalesa di ta compasivo.
Como e enfermero principal pa Wit Gele Kruis di Aruba, el a siña optimalisa su abilidadnan di lider. Como Director di Asuntonan di Studiante na Universidad di Aruba el a siña con pa yuda y organiza su studiantenan pa conoce nan mes y lucha pa semper haci nan maximo. Y durante tur, Charisse a desaroya un reputacion pa ta un persona inspirativo. Su compania di consulting, E.E. Ventures, a nace for di e deseo di Charisse, pa na un escala mas grandi, sigui inspira hende.
Charisse a combina tur e lesnan cu el a siña durante transcurso di su bida, tanto personal como profesional, pa asina determina un rumbo nobo, esta como Orado Inspirativo. Un rumbo cu tin a sosten di communidad, patronisadonan corporativo manera Aruba Bank, ARC Digital Agency, Touchpoint y un famia cu ta stim’e y apoy’e. Su prome paso tabata riba Diasabra, 27di October 2018 unda el a logra yega na personanan di tur skina, cu a reuni den e bunita Aula di Universidad di Aruba pa e prome seminario di Charisse: Transformacion.
Durante e seminario anima cu a dura tres ora, tanto Charisse como su presentadonan invita a yuda esnan presente pa reconoce, accepta, maneha y transforma nan miedonan for di un forsa cu ta tene nan atras den bida, den uno cu ta yudanan bay dilanti. Despues di un apertura inspirativo, creativo y algun ehercisio pa kibra ijs, a reparti e participantenan den dos grupo. Esnan cu a keda den e Aula a ricibi presentacionnan di Bert Wielenga y Roke Hoen. Bert a dirigi un ehercisio pa yuda personanan practica pensamento positivo -hasta durante situacionnan incomfortabel – y despyes Roke a yuda e grupo busca forma pa identifica nan pensamentonan negativo y logra controla nan.
Charisse di su banda tabata dirigi su mes na e otro grupo, con pa mara nan mes den pensamento positivo pa yuda nan durante momentonan di miedo y duda den nan mes. Despues, Junior Rivero y Josette Burke a duna presentacionnan personal. Ambos a hiba un lucha contra miedo y duda den nan mes durante nan bida y no solamente a sobrevivi, pero a sali e otro banda cu victoria.
espues di un pausa cortico – durante cua participantenan a ricibi snacknan sabroso cortesia di Subway, Don Pastechi Factory y Smit & Dorlas- e gruponan a cambia luga, pa despues bini unto pa un lectura di e ‘Guru di Atencion Pleno (Mindfullness)’ di Aruba, esta Clementia Eugene. Clementia na prome luga a dirigi su mes riba e neurologia di miedo y enfoca e importancia di halamento di rosea consiente; y despues a presenta tres tecnologia cu individuonan por uza pa controla nan reaccion na miedo. E tabata spectacular pa experiencia, pa mira con e asamblea a relaha visualmente durante su guia di e e ehercisio di halamento di rosea profundo.
E tabata un mainta fantastico di educacion y descubrimento propio durante cua participantenan a haya encurashamento y a sinti nan mes reinforsa pa comparti nan experiencianan personal, tur mientras cu nan tabata haya apoyo den un ambiente di energia positivo.
Un invitashon cordial pa bishita su Facebook of Instagram pa mensajenan positive y inspirativo.
