Mr. dr. Ryçond Santos do Nascimento, parlamentario di fraccion di AVP a duna su dies plac’i palabra pa loke ta e prome parti di e reunion.
Tin cu bisa cu e reunion aki tabata un locura total, pasobra a bay trata un presupuesto p’e aña aki, siendo cu 10 luna a pasa caba.
El a menciona tambe cu e gran trabao di parlamento ta sosode den e comisionnan. “No mester lubida cu pa por tin un parlamento cu tin djente, mester tin un separacion entre parlamento y locual ta gobierno.”
Locual por mira ta cu na e momento aki e presidente di parlamento ta haya su instruccionnan di Cocolishi por ehempel cu na momento cu un parlamentario ta entrega pregunta, e ta sali defende gobierno. na momento cu tin reunion, e ta defende gobierno.
N’e momento cu tin reunion pa prepara, gobierno ta pidi lista di e parlamentarionan cu ta sostene e gobierno pa yama un reunion, no un Openbare Vergadering, sino un Openbare Bijeenkomst. Tur e cosnan chikito aki ta haci cu nos parlamento no tin djente, nos parlamento no por duna un palabra.
Den e cuadro ey, Santos ta haya cu e presidente di parlamento mester halsa hopi mas, manera un partido cu ta riba e politica, na luga di forma parti di e politica. Esey ta e funcion di un presidente di parlamento, el a finalisa.
