Aruba Tourism Authority (ATA) a organisa e conferencia di World Tourism Day 2018 pa celebra y reconoce e importancia di turismo. E tema e aña aki ta Transformation of Tourism Thru Digital, kiermen con tecnologia ta impacta turismo, asina Sanju Luidens, Chief Marketing Officer di ATA a duna di conoce. Ora pensa riba tecnologia, e no ta solamente esunnan mas complica pero ta tur forma con tecnologia por facilita turismo y biaheronan den e parti prome cu nan biaha, nan experencia na un destinacion y hasta despues.
Di parti companianan chikito y grandi con pa adopta tecnologia pa haci experencia di cliente mas miho cu ta duna satisfaccion y cu ta facilita “profitability” di e compania. Esey ta algo importante pa tuma na cuenta den tur ramo di turismo y mira con pa prepara pa futuro, di cual e futuro ta aki caba.
ATA a mira cu tin diferente esfuerso cu por haci na diferente nivel. Ora ta papia di digitalisa esey no ta nifica cu tur cos ta digitalisa. Mester tin opcion di aplicacionnan cu por facilita y haci turismo mas eficiente, haci e experencia mas miho. Asina aki por mira cu e demanda di clientenan ta spera un cierto nivel di digitalisacion pa facilita e experencia.
Un di e preguntanan haci na e oradornan tabata con Aruba ta compara cu otro destinacionnan. E comentario haci ta cu Aruba “Nos t’ey, pero nos tin e oportunidad pa embrace esaki,” el a expresa. Tambe e ta un oportunidad pa Aruba bay dilanti, tuma tecnologia y haci parti di e experencianan mas ameno.
