Salario minimo legal y e uitkeringnan na Boneiro, Saba y St. Eustatius lo aumenta anualmente entrante 2023. Esey ta haci cu e salario minimo legal lo ta na e minimo social di 2025. Asina Secretario di Estado Alexandra van Huffelen a skirbi na Tweede Kamer. E acuerdonan ta forma parti di un convenio nobo.
Pa Boneiro esaki ta nifica un aumento di 28 porciento, pa St. Eustatius di 18 porciento y pa Saba di 23 porciento. Pero secretario di estado tin un condicion. E partnernan social mester crea un espacio pa aumenta e salario minimo entrante 2023 riba e actualisacion di inflacion.
Actualmente e salario minimo na Boneiro ta di 1045 dollar pa un siman di trabou di 40 ora. Na Saba e salario minimo ta actualmente di 1246 dollar y na St. Eustatius e ta 1265 dollar. Tambe e subsidio di onderstand pa esunnan cu ta biba di forma independiente y e hogar familiar ta aumenta entrante prome di januari 2023 tambe. Esaki lo bay den fase for di 55% pa 70% na 2025. A tuma e prome paso caba dia prome di juli.
E suman di kinderbijslag a conoce un aumento dia prome di juli ultimo cu 10 dollar y entrante prome di januari 2023 esaki lo aumenta cu 10 dollar mas pa cada yiu. Esaki lo haci cu e kinderbijslag lo bira 109 dollar pa luna, pa cada yui.
