S.V. Unistars na Pos Chikito a organisa nan prome evento pa aña 2024. A start cu un feria den bario riba Dia di Betico. E ta un feria caminda tabatin diferente stand p’e pueblo por cumpra y come.
Por a conta cu stand di cuminda, bebida, benta di paña, popcorn y mucho mas. Keilah Geerman, vocero di S.V. Unistars, a conta representante di Headlines Group cu tipo di actividadnan asina ta importante pa nan.
Claro, pa celebra Dia di Betico pero tambe ta fungi como un recaudamento di fondo. Si tin feria mester por futbol tambe. Tabatin diferente partido, entre nan ekipo di San Luis di U9 a titula campeon, tambe La Fama campeon pa U11 y Unistars pa U13/U15 mix.
Cada fondo ta yuda pa mantencion di e team, pa cual ta purba di organisa mas evento durante di aña. Nan tin un meta, pa renoba nan clubhuis. Geerman a menciona cu nan ta man habri si cualkier comerciante kier yuda nan pa logra nan meta, donacion semper ta bonbini. Pa nan evento di Dia di Betico, nan a ricibi sosten di comercio.
