“Nos no tin Status Aparte no momentonan aki. Nos no tin autonomia,” segun parlamentario Ryçond Santos do Nascimento. Por a scucha cu pa cambia un ley di Aruba prome minister a bay pidi permiso na Hulanda pa ‘halveer’ e 12.6%. Por a scucha sindicato papia cu mester ‘investiga’, cual ta obligacion di cada ciudadano pa busca pa sa di nan mes.
Tambe e parlamentario a indica cu no por gaña manera antes y sali na kier. Aworaki loke ta mira cu veld di enseñansa, e veld laboral, a ‘catch up’, loke ta mentira di e gobierno. E motibo pa e 12.6%, e motibo pa e maneho y e recorte. Tambe sa cu tin necesidad pa baha gasto. Santos do Nascimento a sigui splica cu e por a scucha parlamentario Miguel Mansur riba e plan di maneho pa baha e gastonan di empleado. Pero gobierno no a haci nada cu e plan ey. Ta sconde y ta sigui sconde kico pa haci cu e plan ey.
CFT cada biaha ta pidi informacion y gobierno no ta duna ni sikiera parlamento. Awo cu gobierno sa cu ta bay tin un accion diahuebs, ta core yama un reunion pa bay palabra un programa di gobernacion, cual ta un lastima.
Cuater aña supuestamente cu a pone integridad como number un riba agenda politico, ainda no a regla nada pa BIA (Bureau Integriteit Aruba). E ora no tin un ‘corporate governance code’ pa e aparato gubernamental.
Pa un cobertura mas amplio lesa e edicion di TREMPAN di mañan.
