Minister di Naturalesa, Ursell Arends, a bin cu un campaña di conscientisacion. Pero si bay riba e pagina di ‘Trash 2 Cash’, ey por mira ki tipo di campaña tabata tin. E campaña di conscientisacion ta uno cu nan a copia y dump ta mustra un mal maneho di e mandatario.
mr. dr. Ryçond Santos do Nascimento, parlamentario (AVP), a splica depende di cuanto hopi placa a hinca den un campaña cu nan a copia. Nan a copia mercadeo di CEDE, incluso tabatin copiamento di maneho di desperdicio tempo di AVP. Tambe tabatin reciclahe di hopi mas, pero menos un maneho cu ta fundamental riba kico ta salud di hende. Te ainda no tin un estudio haci pa te fundeshi dje maneho di desperdicio no solamente pa dump, pero tambe p’e awa sushi.
E parlamentario a indica cu tur e cosnan aki mester ta bou di un solo capa. Tur e leynan cu mester cambia, mester cumpli cu e standardnan internacional y tur esey no tin. Mester bisa e cos manera ta, segun e parlamentario a expresa. El a indica cu e maneho di Ursell Arends ta un desaster total. No por papia di maneho, pasobra no tin plan, no tin masterplan. Supuestamente dentro di algun luna ta bay tin un masterplan, pero por mira kico Ursell Arends ta haci.
