Uzo di alcohol no ta cay bon pa tur hende y toch ta sigui bebe. Esaki ta e caso cu a sosode na Dakota, unda un mama a pidi ayudo di polis pa controla su yiu.
E caso aki a tuma luga den careda di 11’or di anochi den Mispelstraat na Dakota. Polisnan na e sitio a papia cu e mama cu tabata mustra fada cu e situacion. El a conta nan cu e yiu homber a bebe rom y dado momento a cuminsa haci boroto den cas, na un ora cu hendenan mester ta drumi. E mama a fada y a pidi polisnan detene y cu e lo pasa haci denuncia contra dje.
E homber di su banda a bisa polisnan cu e no a haci nada malo. Ta un boter so el a kibra. Pero a hib’e warda pa e sosega su curpa.
