Manera ya nos informa anteriormente. Tabata tin un accidente entre un brommer y un Hyunday Getz, caminda cu e chauffeur di e brommer a keda critico.
Informacion di parti di Cuerpo Policial, vocero di polis, Liliana Rasmijn a recapitula e accidente. Pa 8’or y 9 di mainta, Central ta wordo notifica di un accidente entre un auto y un brommer na altura di Ting Wei Supermarket. Patruya ta yega na e sitio di biaha y na unda cu ta pidi pa ambulance, mirando e situacion di e chauffeur di e brommer.
Por a bin compronde cu probablemente e Getz Blauw numera A-48943 lo mester a bay sortea na su man robes y na unda cu e no a ripara e brommer y e brommer numera MFA-1701 a bin dal den dje. A haya noticia cu e chauffeur di brommer a fayece.
Pa 9:08 di mainta dokter ta constata morto di e chauffeur di e brommer Rofles H. Liesdek naci 2 februari 1975 na Surinam. Esaki ta di cuatro morto den trafico pa aña 2019.
Na famianan di e fayecido ta extende nos palabranan di profundo condolencia.
