Diaranson mainta, autoridad a bay cu sumo urgencia na Rooi Santo, na altura di Ting Wei Supermarket, caminda cu a sosode un accidente basta serio, caminda cu un brommer, numera MFA-1701, cu tabata biniendo tur cu tin for di panort, ora cu dado momento un Hyundai Getz numera A-48943 a crusa su dilanti.
E impacto tabata asina fuerte cu e chauffeur di e brommer a keda herida asina pisa, cu ta temiendo pa su bida. Ambulance a hib’e urgentemente pa hospital, mientras tanto cu polis di trafico y demas autoridadnan halto a presenta na e sitio y a cera e caminda pa haci nan investigacion. Daño material ta considerabel.
