Nos ta desaproba e actitud maligno di Mike Eman caminda e kier desvia atencion di caso “avestruz”. Un investigacion penal conduci riba (1) soborno (2) labamento di placa (3) malhuza funcion como gobernante (4) estafa. Esaki ta e “legacy” di Mike Eman y e resultado di su liderazgo. Tabata Lider di Fraccion di MEP, Rocco Tjon den un comunicado cu a post riba fu pagina di Facebook diahuebs atardi.
Arthur Dowers y Robert Candelaria
Ta condenabel tambe cu pa desvia atencion partido AVP ta sali awo y cuestiona y of insinua cosnan riba mi persona den un caso personal y civil di 2010. Manera nos a splica caba un aña pasa, partido AVP por haya tur detayes di e caso aki serca Arthur Dowers y Robert Candelaria.
Falta di caracter y liderazgo di entre otro e dos personanan aki, cu a labora den e aparato hudicial ta e unico cos cu e atakenan baho y vil aki ta subraya.
Screening
Bou di Mike Eman y Arthur Dowers mi a wordo gescreend door di “Veiligheidsdienst” di Aruba y Merca na 2014 pa atende FBI-academy y na 2016 un bes mas dooor di Veiliheidsdienst di Aruba pa asumi e funcion di ditector di KIA.
E caso civil aki ta forma parti di e screening kiermen kalke informacion cu partido AVP of nan simpatisantenan kier dimi, nan sa serca ken nan mester ta.
Hunto cu e articulo aki mi ta publica e resultado di mi screening haci boi liderazgo di Mike Eman. Y tambe mi ta publica mi nombracion door di Gabinete Mike Eman.
Pa Conclui
Manera mi a bisa na varios ocacion, e tipo di atakenan aki hamas lo silenciami. Y aworaki mas motiva mi lo sigui haci mi trabou pa ta di balor agrega. Y trece actonan corruptivo pa dilanti y condena malpracticanan.
Realidad ta cu e “legacy” di Mike Eman ta cu e a haya un KB pa “mal gobernacion” y su liderazgo a conduci na actonan corruptivo den su gabinete manera señala den caso “Ibis” y caso “avestruz”.
