Un combinacion di tera satura cu awa di e ultimo dianan aki, biento fuerte y awasero pisa awe mainta, a causa cu na varios parti matanan grandi a cay riba caminda. Consecuentemente mester a desvia trafico pa uza rutanan alternativo. DOW a activa mesora pa corta e matanan aki na pidapida pa autonab por a sigui core.
Awasero tin algun dia caba yobiendo tras di otro. Esey ta haci cu dado momento e tera ta satura y ta bira moli. Cu djis un poco biento e matanan ta bin abou. Te cu nos sa, no tabatin ningun dañi na autonan of infrastructura rond di e matanan grandi aki.
