Riu Palace Antillas orguyoso di su empleadonan

679

Riu Palace Antillas ta miembro di Aruba Hotel & Tourism Association (AHATA) y a participa den e AHATA Excellence Awards 2019 cu 4 nominado. E nominadonan di Riu Palace Antillas tabata Edgar Cornet p’e categoria “Manager of the Year,” justin Carson “Sustainability Award,” Leo Tromp “Lifetime of Service Award” y Mervin Howell p’e categoria “Employee Large Company”.

Den un ambiente ameno cu yen di alegria a saca e ganadonan di AHATA Exellence Awards 2019. Edgar Cornet a gana den e categoria di “Manager of the Year,” kende ta un lider di berdad y ta valioso p’e hotel. El a cuminsa como un operador di telefon pero door di su pasion pa hospitalidad, experencia cu bishitante y ambicion den exito, a pone cu den un tempo di record el a asumi un posicion di supervisor.


Edgar Cornet a sigui tuma retonan nobo den su rol di supervisor. El a motiva henter e team pa logra nan meta. Constantemente ta nombra e nomber di Edgar riba Trip Advisor  y e ta asombroso cu turistanan di Riu Palace Antillas. E lo sigui crece den RIU y ta forma parti di e team di lider di e hotel. Ta aprecia e lealtad y confiansa di Edgar, cual ta haci’e un piesa importante di e exito en general di e operacion di hotel y experencia general di turistanan.

Pa 5 aña Mervin Howell ta cu Riu Palace Antillas y semper por a depende di dje, eficiente y puntual. E ta duna hopi atencion na detayenan y constantemente ta dispuesto pa bay e extra miya pa sorprende y deleita clientenan externo y interno.

Justin Carson a join e “Green Team” di Holiday Inn Sunspree Resort. El a bira un miembro activo pa sostene cualkier evento y sigurando pa mantene tur practica ecologica den nan departamento. El a join Aruba Palace Aruba y di biaha a tuma over e liderazgo di Specialista di Sostenibilidad, pero despues a transfer e pa Riu Palace Antillas. El a tuma over e liderazgo den sostenibilidad. El a ricibi dos biaha e certificacion di Travelife den haci e propiedad “Travelife GOLD”.

Leo Tromp ta den e industria di turismo pa 40 aña y ta haciendo un tremendo trabou. E ta den departamento di ingenieria haciendo uzo di su asombroso habilidad pa crea diferente invento pa sigura cu e no ta na un desbentaha. El a pasa den diferente renobacion y transformacion di hotel di un brand pa otro manera Concorde Hotel e cu Westin y recientemetne RIU Hotels & Resorts.


Pa nos di Riu Palace Antillas e logro aki ta uno exitoso. Edgar Cornet ta un empleado ehemplar y ta cla pa yuda. Pabien Edgar di ta e Manager of the Year di AHATA Excellence Awards 2019, Justin, Leo y Mervin pa ta un di e nominadonan y sigui cu e bon trabou. Nos ta orguyoso di nos empleadonan, kendenan diariamente ta percura pa nos turistanan y pa nan vakantie ta uno memorabel.