Rampenbureau tambe tin su proceduranan y bommelding ta un di e topnan. Na momento cu haya un topmelding, cu ta un chansa of no, procedura ta wordo activa y Rampenbureau ta draai e procedura completo, caminda cu hopi hende ta haya cu e ta inecesario.
Segun Rino Hermans, nan ta cumpli cu e proceduranan y tambe cu e reglanan di siguridad di aviacion, cual ta hopi estricto.
Aruba tin cu cumpli, mirando cu AAA a wordo certifica. Rampenbureau ta sigui cu e proceduranan, cu ta conoci pa tur hende.
Hermans ta sigui splica, ningun incidente ta barata pa pais Aruba. Hopi biaha ta pais Aruba ta carga e castonan aki. Ta manda ministerraad un kostenplaatje. Cada incidente cuanto el a costa y esaki ta hopi. Tiu a dura por ehempel casi cuater ora. KLM a bay tiki mas lihe, pasobra el a wordo gescreened. Tabata tin hopi otro factor, pakico e team a bin hunto. Tin hopi cos cu ta sosodiendo patras di cortina cu ta bezig cu nan, cu hopi hende no ta mira den frontline.
Den frontline ta mira e parti operacional. Pero tin hopi otro cos cu ta draai tras di cortina cu ta costa hopi placa.
E siman aki ta evalua y ta traha e recibo pa ministerraad. A yega tempo pa cuminsa publica cuanto un incidente aki ta costa, si ta joke of no.
Cu siguridad bo no por risca. Si un hende dal un grito cu tin un bom abordo, e consecuencianan ta p’e. Segun Hermans, nos ta den 2019. Antes tabata tin e jokenan di telefon riba bommelding. Awo cu tecnologia, tin cierto proceduranan cu no por core mas riesgo y esaki ta e procedura cu ta bay draai.
Aerolineanan nunca lo ta contento cu un pais cu ta ground su avionnan. Ta cumpli cu e partinan aki, pasobra standardnan internacional mester cumpli cun’e.
Den un termino di un luna y mey, dos aerolinea Hulandes mester a wordo para.
Kitando cu ta un noticia desagradabel, esaki ta un training cu ta mustra cu e team ta prepara p’e. Por a ripara cu a adapta e procesonan y por a ripara awe un biaha mas por a wak cu el a bay hopi mas lihe.
Si ta considere como un training real, tin cu adapta un biaha mas cu cosnan cu a siña nobo. Pa otro siman tur dienst lo ta na altura di e procedura nobo si sosode un otro bommelding na aeropuerto di Aruba, segun Hermans.
