Cuerpo di Bombero a haya un melding cu un pasahero lo a haci un menasa di bom abordo di e vuelo di KLM. E momento eynan, e proceduranan no ta tuma ningun duda pa e momento ey tur cos a para. Tin cu sigura nan mes pa leynan di aviacion cu tur cos ta safe, segun comandante di Cuerpo di Bombero, Edouard de Cuba.
Aunke e meneer por a haci un chansa, ta frustra of rabia, pero mester tume na serio. Na e momento ey, a haci full e avion bashi. Tur pashero a bay den e terminal y a screen nan. Polis a screen full e avion, caminda cu e pasahero tabata sinta. Aunke no a sali p’afo di aeropuerto y ta clean, toch pa siguridad a screen e avion, pa asina e pasaheronan por a sigui cu nan vuelo.
Den e parti eynan, toch ta bay den un area cu no sa kico e ta y tin un menasa di un bom. Tin cu tuma cierto precaucionnan. Por ehempel di hala e avion for di e terminal na un distancia, cu polis por haci su trabao, cu K9, cu polisnan specialisa.
E momento ey nan a cera aeropuerto y pa trece e avion bek terminal. A screen tur e pasaheronan pa e avion por a sali.
De Cuba a sigui splica cu den cosnan asina, tin diferente deseo. Por ehempel KLM ta bisa cu nan tin tanto ora bulando y nan tin tanto ora ainda. Cada situacion ta diferente.
Autoridadnan ta bin hunto, esta e vierpoot, Cuerpo Policial, Rampenbureau, Departamento di Salud Publico y Cuerpo di Bombero pa wak kico por ta e solucion pa e problema e momento eynan.
Finalmente e avion a sali, a screen tur hende y a declara tur sigur den e avion. Polis ta bay haci su trabao awor aki cu e cabayero cu a haci e menasa aki, de Cuba, a comenta.
