Ricardo Croes (RED): Presidente di Parlamento a comete un infraccion

2595

Ningun hende a worry cu piscado durante di e reunion di Parlamento ayera. Pero e ta mustra mas un strategia pa uza e tema aki pa a atende cu un mocion di desconfiansa contra minister Marisol Lopez-Tromp.

A probecha e firmanan presente pa ta den e reunion pa piscado atende cu e asunto aki. Parlamentario Ricardo Croes e no tabata e momento pa bini cu un mocion contra un minister. Mester a yama esey apart.

Lider di fraccion di RED, Ricardo Croes a comenta cu esaki no tabata un dia historico positivo. Si pueblo di Aruba ta lanta y realisa kico a tuma luga ayera, hamas hendenan aki por a haya poder den e pais aki.

Aruba tin un Staatsregeling. Esey ta e ley di mas halto den e pais aki. Riba e ley ey tin e Statuut, cual ta e ley di mas halto den Reino. Ningun hende por bypass Constitucion di Aruba.

Bao di e constitucion tin den Parlamento entre otro, e Reglement van Orde.

Pa motibo di COVID-19 a bay di acuerdo pasobra articulo 83 di e reglement van orde ta stipula cu e unico momento cu por desvia di e reglement van orde ta solamente si e 21 miembronan mester bay di acuerdo y si e desviacion no ta bay contra di e statuut.

Tin varios articulo cu a desvia di e reglement van orde, segun Ricardo Croes. A bay di acuerdo pa no ta presente den sala y asina cumpli cu e exigencia di social distancing. Esey ta keda na e parlamentarionan pa dicidi si ta sinta den fractiekamer of den sala.

Pero mester ta den e edificio di Parlamento. Grifier di Parlamento a splica e hecho aki claramente. Pa tin quorum pa cumpli cu articulo 16 di Staatsregeling, mester tin un minimo di 11 miembro di parlamento den edificio di Parlamento.

Ta pa e motibo ey mes Ricardo Croes ta splica cu el a haci’e bon cla pa presidente di Parlamento, na e momento di stem motivering, cu e ta bandona e edificio y eynan a pone presidente di Parlamento na altura cu e no tin quorum pasobra fraccion di AVP tambe a bisa mesun cos.

A pone e presidente di  parlamento na altura cu ambos fraccion di AVP y RED a bandona e edificio. El a hunga pa ciego y no a conta cabes, mientras cu e tin un celebro cu por conta. Mester a conclui cu e no tin autoridad pa beraadslag e besluit di Croes.

Presidente di parlamento a comete un infraccion contra Constitucion di Aruba. Esey el a haci defacto. Esaki nan ta yama integridad, Croes a menciona. Awo tin cu saca e som.