A cuminsa un persecucion formal riba lama for di area di Nikky Beach bin ariba pa un hoben riba un waverunner horta. Polis y wardacosta a cuminsa un accion grandi pa asina pone un stop na e hoben aki.
E hoben conoci pa husticia, Mathilda, a basa basta rato ta tenta cuerpo policial na diferente pier den direccion pariba. A purba papia cu ne pa e e entrega e waverunner y tambe entrega su mes. Tabata scucha e gritonan y tambe e combersacion entre polis y e hoben aki.
E ta keda insisti cu e no ta arma, cu e ta baha ora gasolin caba pero no ta entrega su mes prome. Un ruta basta largo e hoben aki a tuma prome cu a yega area di ATCO na Barcadera. El a pasa banda di Pier na Bucuti, tambe banda di marina Pirata bay ariba y te na momento di transmicion tabata na pier di ATCO caminda polis ta purba di convenc’e di entrega su mes. El a menciona cu kier detene pasobra el a haci un menasa cu handgranaat. A tuma nota cu e ta bebiendo y ta asumi cu e lo ta bou di influencia di alcohol.
