Cu portada di un fantasia di Pegapega dibuha pa Addonsito Croes, bao guia di Sandra van der Linden di Wallpaintings Aruba, REVISTA KINIKI edicion 11 ta riba mercado.
E edicion aki tin total 32 pagina y ta yena cu wega, storia, pintura, informacion infantil y actividad di Aruba su muchanan.
Algun seccion ta: BUSCA BON, MALVA MALVADA, BANDERA DI MUNDO, storia di BALA LIO, AHEDRES na Aruba, NIKI CHEF JR den cushina, Pisca GUTU y Aruba su PEGAPEGA.
Revista KINIKI ta keto bay un soño di Addonsito cu e ta haci realidad cada bez atrobe. Danki pa tur cariño pa Revista Kiniki.
E ta obtenibel na MooiMooi, 22Gelato & Coffee, DeWit & VanDorp, Casa Intertoys, S-Chow y Botica Santa Cruz. Mas informacion por manda un whatsapp na 5602626 of check e pagina riba Facebook di Revista Kiniki. Danki Prensa di Aruba.