A organisa un ceremonia na scol basico Kudawecha den cual Director interino di Enseñansa, Nora Eleonora, a haci un presentacion dilanti di un grupo di docente y cabesantenan di scol, pa reconoce e trabou haci dor di Ministerio di Boluntario di Freewinds y Cuerpo di Bombero di Aruba despues di a desinfecta 18 scol publico pa proteccion contra Covid-19. Den e simannan prome cu reapertura di e scolnan y net despues di reapertura, a desinfecta scolnan pa haci nan sigur pa alumno y maestronan. E efecto positivo di e accion aki no a pasa sin mas.
Despues di a presenta un pida Arte unico na Ken Weber, Port Captain di Freewinds, Nora Eleonora a expresa su gratitud bisando: “Danki na Boso di Freewinds, pa ta cu nos na e momento cu nos tabatin mester di Boso. Boso realmente ta angelnan cu a yuda nos. Ta hopi importante pa tin Boso yudando nos scolnan pa nos yiunan por ta sigur.”
Aceptando e reconocimiento Ken Weber a bisa: “Danki pa habri portanan pa e Ministerio di Boluntario di Siensologia y Departamento di Bombero di Aruba pa nos por a brinda e servicio di desinfecta scolnan. Kico por ta mas importante cu proteha futuro di e isla y futuro ta nos hobennan atendiendo scol. Si nan salud ta sigura, si e maestronan, cabesantenan y mayornan tin e siguransa cu scolnan ta sigur, e ora ey nos alumnonan por resumi nan estudio trankil. Ora bo tin un solucion manera nos tin, desinfecta cu D-7, sabiendo cu e ta e miho producto cu tin, Bo no por para na banda y mira. Bo tin cu extende ayudo ya cu nos tur ta hunto den esaki.”
Durante e ultimo lunanan e Ministerio di Boluntario di Freewinds hunto cu Departamento di Bombero di Aruba, a desinfecta 120 establecimento incluyendo Wardanan di Polis, Facilidadnan di Boluntario, Misanan, Oficinanan di Gobierno y 47 scol.
Pa informacion con bo por sigui mantene Bo mes saludabel y proteha bo famia, coleganan y bo mes di enfermedad, subi e website https://www.scientology.org/staywell unda por haya buki, video y poster.
