Departamento di Salud Publico di Aruba (DVG) a confirma un rato pasa cu a constata dos (2) caso mas di Covid-19 Coronavirus na Aeropuerto ayera. Ta trata aki di dos persona no residente cu a test positivo na nan yegada na Aeropuerto.
Ambos persona ta bon di salud y segun proceduranan indica pa e protocol, tur dos a bay den isolacion. E total ta bira awor 10 caso activo di Covid-19 registra na Aruba. E instancia concerni lo sigui vigila e dos pashentnan aki, mescos cu tur otro, a base regular pa mira si nan ta desaroya sintomanan. Den caso cu nan bira malo, lo mester evalua pa interna nan den Hospital. Na e momento aki, mayoria no tin sintoma y ta spera cu nan por cura di e virus sin cu mester bira malo.
DVG ta desea e pashentnan un pronto recuperacion. Pa mas informacion tocante di update di casonan di Covid 19 y tur otro informacion, Tips y Protocol, bishita e website www.arubacovid19.org.
