S.V. RCA diadomingo anochi ultimo a hunga su prome wega di play-off Division Honor. Den un promer tempo perfecto pa e tricolornan, Jeanpierre Fingal, Christian Sinisterra y Ronald Gomez ta score. Di dos tempo tabata uno trankilo y asina tres punto importante ta bay Solito y un bon resultado di 3-0 vs Nacional. Diasabra awor 8or den CDGPT ta e Super Clasico di Aruba entre e dos organisazionnan cu mas titulo na Aruba.
Ya for di diabierna atardi 6or na RCA ARENA lo tin un ambiente Tricolor cu Stickers pa auto, Shirt, Pechi y Tickets di entrada na benta. Den stadion lo tin “Las Tamboras” de Roque y Dushi ambiente di semper. Tambe directiva ta informa e fanaticada cu luna nan di Mei y Juni lo ta hopi druk cu weganan di playoff di tur nos Divisionnan. Di e chikitinnan te na Damas RCA tur ta den acshon di Playoff. Bishita nos pagina di Facebook RCA @svrcaofficial y sigi tur schedule di tur division pa playoff.
