Un total di 41 participante a cuminsa cu e “BeYourOwnBoss” summer course 2022. En total tabata tin 94 registration unda cu ambos localidad a yena completo te nan maximo cupo. E programa “BeYourOwnBoss” ta un curso cu e meta pa educa y prepara e cursistanan pa ta un empresario exitoso den futuro. Den pasado mas di 200 persona a finalisa e curso existosamente y a ricibi nan certificado.
E curso aki lo ofrece e cursistanan mas conocemento di mercadeo, con pa skirbi un plan di negoshi y plan financiero y tur e rekisitonan cu ta necesario y importante ora di habri un negoshi.
E curso a cuminsa dia 7 di juni y lo termina dia 28 di juli. Lesnan ta riba diamars y diahuebs di 6:30 pa 9:00 di anochi y ta ehecuta na Colegio EPI y na EPB San Nicolas. E materia ta duna door di docentenan Mr. Jeandré Hessen y Ms. Twyma Van der Biezen.
Qredits Aruba ta situa na Bilderdijkstraat 16 y ta conoci pa yuda varios comerciantenan cu financiamento pa cuminsa nan propio negoshi of expande nan negoshi. Ademas, Qredits ta yuda empresarionan cu coaching y business tools.
Keda pendiente riba Qredits Aruba su Facebook page, como cu tambe lo tin un “BeYourOwnBoss” Fall course durante e aña aki.
