Recientemente tabata tin e estreno di pelicula Siñami Stima Bo na Cas di Cultura, cual segun Jillianne Nicholls e ta un proyecto cu a tarda un poco pa realisa pero cu finalmente a keda tremendo. Nicholls tambe a participa den e proyecto. Rosa Kelly tambe a comenta cu e pelicula a keda hopi bunita, su cuña ta actua aden. “Mi a hari y mi a yora pasobra e tabata tristo, mi a echt biba cu ne. Ta mescos ami ta aden, e ta algo di bida cu ta pasa hopi tambe.
Alvin Molina tambe a participa den e proyecto, kende no ta desconoci den forma parti di tipo di proyectonan asina audio visual pasobra e ta gusta masha. “Hopi great pa mira e talento cu nos tin akinan na Aruba. Con un team por bin hunto cu un liderazgo hungando un rol aki tambe. Cu un pasion no solamente p’e arte di actua pero tambe pa sirbi Dios, anto pasa e mensahe pa e publico di Aruba,” segun Molina. E reaccion di publico na final tabata fenomenal. E mensahe di e pelicula ta trece ta mustra cu nos tur tin nos momentonan cu nos ta cay den bida, si ta den salud, adiccion, relacion, trabao, unda cu bo ta, pero si bo tin fe y pasenshi, perseverancia, si bo tin Dios y bo hendenan rond di bo pa yuda guia bo, bo lo sali afo.
Minister di Cultura, Xiomara Maduro tambe tabata presente. “E pelicula tabata fantastico.” E mandatario ta bisa cu e pelicula completo tin hopi momento bunita y ta asina nechi pa bo mira e artistanan local y con nan ta hinca nan mes den e rol cu nan a haya, algo hopi fantastico y bon hinca den otro.
