Aruba Excellence Foundation (A.E.F.) a organisa e prome HR event pa aña 2019 na Amice Lunchroom, specialmente pa coordinadornan di recurso humano (H.R.) den sector hospitalario por cera conoci un poco mas cu e cursonan nobo cu A.E.F. ta ofrece. Banda di e curso di Aruba Certification Program (A.C.P.) facilita desde 2011, e aña aki a introduci curso di ‘Service Excellence’ cu ta bay mas profundo riba e ‘Brand promise’ di Aruba, e promesa cu nos ta haci e bishitante prome cu e yega Aruba, di kico e por spera di e servicio hospitalario y cordial, cu ta ward’e na su yegada na e isla feliz.
Den e curso di ‘Service Excellence’ ta enfoca ariba e norma y balornan mas fuerte y importante cu ta caracterisa e servicio local, e servicio autentico cu nos hende nan ta desplega y den nos industria di turismo. Nos ta yama esaki ‘servicio cu Zjeito’! E zjeito local, di Aruba cual ta tambe e guia principal di tur e cursonan di A.E.F. Un di e factornan cu ta pone e bishitantenan bishita y regresa nos isla frecuentemente ta nos manera hospitalario acompaña pa nos cordialidad, amabilidad, carisma y amor pa loke nos ta haci diariamente. Esaki ta loke ta distingui nos isla for di otro destinacionnan den Caribe.
Un otro training cu A.E.F. lo cuminsa facilita desde Augustus 2019 en adelante ta, ‘Stortytelling’. Meta di e training ta pa trata diferente punto di referencia (landmark) bishita frecuentemente pa nos bishitantenan y ofrece e hermentnan na e cursista con pa conta un storia tocante e ‘landmark’ uzando e informacion corecto y consistente. Por ehempel, conta e storia di kapel di Alto Vista, Natural Bridge, centro di Oranjestad y mucho mas.
Den luna di September lo inicia e training pa management cu ta titula ‘Sustainable Leadership Program’. Den e training aki lo enfoca ariba e topiconan ‘Leading by example’, Inspiring Management’, ‘Coaching on the job’ y ‘Enable management’ den cual lo brinda e lidernan hermentnan con pa facilita nan ekipo pa por eherce nan trabou mas miho y eficiente posibel .
Coordinadornan di HR a ricibi bastante informacion y ta spera di por sigui conta cu nan sosten pa cu e programa nan. Un danki special ta bai na un y tur cu a asisti na e evento.
