Festival di Tumba Corsou ta uno historico y hopi grandi, caminda cu AMAK ta haciendo preparacionnan extensivo. A haya cooperacion di varios compania cu en berdad por a convence nan pa yuda.
Segun Feco Gomez, presidente di AMAK, tur cos ta costa placa pero ta uza creatividad y perseverancia y cosnan ta logrando.Faltando algun dia mas pa festival di tumba, 80% di e trabaonan ta cla. Entradanan ta bay wordo bon ilumina. Pa parkeo tin un compania di generator cu a bira un branding partner.
Tin luz pa lusa mita Corsou.Cosnan ta bayendo bon. Diahuebs awo tin conferencia di prensa y tin tres bom mas pa los, segun GomezTin dos branding partner mas na caminda y tin algo mas cu lo cay hopi na agrado di pueblo di Corsou cu lo anuncia diahuebs.Banda di e preparacion, lo entrega letra diahuebs awo pa dialuna ranca sali. Ta contento tambe cu dos gran tumbero cu no a participa pa algun aña Farley Laurens y Ike Jeserun lo t’ey bek. E contenido ta bay bira hopi interesante, hopi hoben tambe. Tin gruponan cu ta den e genero di Comeback tambe lo tey.AMAK tabata tin poco miedo pa motibo di e situacion economico cu tin y tambe e tempo cortico. Ta gradicido na e musico si pa nan perseverancia y awo lo bay tin un wild card cu a trece poco discusion.
Ta un comision encabesa pa Gregory Colina, caminda cu nan a analisa, cual, segun Gomez, ta hopi bon idea.Hurada ta saca diaranson 25 tumba. 10 ta bay wildcard y for di 10 ta saca 6 pa join e 25. Y dia 31 diabierna, lo ta e gran final. E festival lo ta dedica na e gran Rignald Recordino.Tumba Corsou tin yen di fanatico na Aruba y pa basta aña ta bula bay sin ningun contratiempo, apesar cu aki tambe tin cantantenan cu ta bay canta na Corsou. Den pasado nan a yega di haci hopi bon papel.E festival di Tumba na Corsou, no ta wega, segun Gomez. Awor aki tur hende ta scoge e miho areglistanan. Antes tur hende ta purba. Awo cos a bira algo serio y tur hende sa cu nan tin cu bay cerca bon compositor, bon areglista, agrupacion musical cu tin experiencia.AMAK ta hopi contento di a haya e oportunidad pa propaga Tumba Corsou na Aruba.
