Awe tardi laat despues di 6:30pm tabatin mester di asistencia di polis na Anytime Bar na Paradera pa un posibel pelea paden. Na yegada di autoridad a topa e situacion calma caba pasobra e bringado a bandona e sitio caba.
Parce cu pa un motibo of otro un homber di edad relativamente hoben kier a bringa cu un homber di edad avansa sinta den e bar. Polis a tuma datos na e sitio pa mira kico precies por a sosode y pa mira si nan por logra haya sa ken e persona aki. Claro cu den e bar tin camara, pues lo por haya grabacion pa despues bay atende cu e cliente bringado.
