Pa contribui cu comunidad di Aruba, Fundacion Dominicana Arubanse Juan Pablo Duarte ta organisa nan evento di donacion di comestibel.
Durante e temporada aki, nan ta ricibi donacion di comestibel te cu 18 di december. Manera tur aña e evento aki no por keda afo, unda ta haci un famia den necesidad feliz den tempo di Pasco y aña nobo.
E fundacion ta tuma producto den bleki manera tuna, soseishi, maishi, aros y e productonan di prome necesidad.
Por entrega e productonan na nan oficina cu ta situa patras di Botica Oduber, den van Leewenhoekstraat number 3. Pa mas informacion por yama 582-5890, pero tambe nan tin un cuenta bancario cu ta RBC 4473094 si kier haci donacion di placa.
