Diasabra ultimo polis di bario di districto di Oranjestad a organisa un bunita proyecto pa duna bek na comunidad di Aruba.
Durante cu polis a bay asisti den e verkeersexamen na scol Colegio Bon Bini a surgi e idea pa verf y drecha un paar di cos na e scol.
Mane cu polis di bario di Oranjestad a trese e idea aki na su coleganan , nan a acepta di biaha y asina cuminsa cu e preparacion pa cu esaki.
E diasabra encuestion polisnan di playa , scol pa polis, e parti administrativo tambe hunto cu e docente- y mayornan a bin hunto y den un ambiente placentero a sa di logra e meta pa cu e dia aki. Ta gradici cada un cu a sa di aporta na e bunita proyecto ki. Nos ta keda bo amigo Polis.
