Diaranzon pasa di 6or varios unidad di Polis a bay na Eagle Beach. Ora cu a manda e prome unidad di Polis, na caminda mas yamada a cuminsa drenta cu ta un chaos tin cu e brommernan. Pesey mes tabata necesario pa Polisnan di Noord, Strand Poltitie, Visibility Team y tambe patruyanan di Playa bay den e direccion ey. Tabata tin un locura total riba caminda. A blokia caminda riba Juancho Yrausquin Blvd pa asina por a draai rond haci fever causando un peliger pa nan mes y esnan cu tabata para rond ta mira.
Ta basta brommer tabata bin. Hasta nan tabata bay live riba Face Book cu e fever. Na dado momento a scucha con nan mes tabata grita cu Polis ta yegando. Asina tur esnan haciendo fever y esnan cu tambe tabata cu brommer a cuminsa plama. Polis a bay nan tras pero nan a coy diferente direccion. Polis a reconoce varios di e motociclistanan. Entrenan a reconoce un grupo di Sero Patrishi y Paradera. A considera esun di Paradera fam M conoci di Polis como e cabesante. Nan a laga e caminda tur marca. Segun nan tabata core bay laga Polis tin diferente hende cu tabata mira unda nan tabata bay. Tin cu a bay direccion Sasaki, otronan direccion Bubali cu San Miguel. Despues un grupo tabata bin bek direccion Eagle Beach.
Un rato despues cu cos a calma na Eagle Beach, a drenta informacion cu tin un grupo cu a aglomera banda di Do It Center den Parking Lot na Shaba. Polisnan a yega cu varios unidad y eynan atrobe algun a start sali bay pa huy. Finalmente a logra blokia un pareha riba brommer. A bay controla y e motociclista no tabata tin rijbewijs parce. Segun Polisnan tabata bezig a yega mas unidad. Algun motociclista a opta pa bay para na un chines den cercania. A acerca dos motociclista mientras cu otronan a bolbe huy. Ora Polis a yega a kita yabi di brommernan mesora. Ora a controla tabata tin cierto cosnan cu no tabata 100% na ordo. Asina mes cu kizas nan por a bay cu e brommer, Polis a mustranan cu e fiesta ta caba pa e anochi. Nan a haya tur chens di mundo pa bay nan cas pero ta keda trece problema den grupo. Nan a bisa cu nan no a haci Fever. Nan tabata den e grupo y Polis a miranan. Pesey mes a confisca e brommer y esey ta bira un mensahe pa e otronan tambe.
Polis a mustranan cu nan ta mal caminda mal momento. Un total di tres brommer a keda confisca. Un homber cu un Glanza tambe a race motor y manda un mensahe pa Polis cu a capta esaki tambe. El a para na chines y a controla e auto su documentonan. A resulta cu e auto no tabata tin tur cos na ordo. A dune un multa pero no a kita e auto. El a scapa. El a splica Polis cu su number nobo no a yega ainda. Finalmente e anochi a trankiliza despues di e accion pasobra e mensahe a yega. Riba un flatbom tur tres brommer a bay warda y fiscal lo dicidi ki dia nan lo por haya e brommernan bek.
