Abogado sospecha di kier mata famia na Tierra Del Sol

RBC Loan Calculator
Forensys
i10 Sedan

Un homber, abogado for di Merca practicamente a secuestra y tene su famia completo rehen den nan cas na Tierra del Sol. Tabata net algo prome cu mey anochi riba segundo dia di Pasco, cu polis di Noord a wordo manda cu maximo urgencia den direccion di Tierra del Sol.

Toyota Betico
RedFish Lunch Special
Cambia, Spaar y Gana
Kentucky Family Feast

E motibo di esaki ta cu nan Mesa Vista 33, tin un caso caminda cu e famia den cas, ta yamando polis pa presenta. Nan ta cera den camber pa motibo cu e homber fam Beltran, abogado na Texas, lo kier mata nan. E motibo ta cu nan kier bandona Aruba y e homber di cu e no kier pa nan bay. Ta trata aki di su señora y 7 yiu menor di edad cu tabata den cas hunto cu e tata y aparentemente nan a caba di come na un restaurant local. Despues di a caba di come nan a bin cas.

E señora ta bisa cu algo a bay robes. Algo hopi delicado cu un di e yiunan y esey ta e motibo tambe cu nan a dicidi cu nan ta bay bandona Aruba y lag’e homber su so atras, locual e homber no a gusta.

E prome unidad cu a yega na sitio no por a drenta e cas. E cas tabata cera mientras cu polis tabata pafo. E señora ta keda yama cu keto bay e ta bao di menasa di e homber, caminda cu e homber ta, tin diferente cuchiu. E ta na e parti abao y nan ta cera na e parti ariba.

Finalmente mas unidad policial a yega. Hasta Strandpolitie a bin yuda e polisnan di Noord. Despues di basta rato nan kier a busca hasta team di aresto pa kibra e porta. Pero e homber a dicidi habri e porta y polis a mande tera mesora.

A pone dos boei na su man y asina pidi dogcatcher pa transport’e pa warda. E yiu homber di 16 aña cu aparentemente algo a pasa entre e tata cun’e y segun e mama ta algo delicado, a bandona e cas y core bay bati alarma tambe na e security na e booth di Tierra del Sol.

Polisnan a bay y a topa cu e mucha y a trece bek na e cas. E mucha tabata hopi hopi spanta. Despues cu tur cos tabata bao di control, cu e homber a wordo transporta cu dogcatcher, e mama a sali bay topa cu e yiu pafo. Polis a conseha pa nan tur bay warda di Shaba, pa asina duna un declaracion.

E homber, na su salida a bisa cu e famia a setup’e. Kiermen nan a traha un setup contra dje. Loke nan ta bisa, no ta berdad cu e lo a comete algo hopi delicado cu un di e yiunan cu ta e yiu homber di 16 aña.

Jeugd en Zeden Politie a wordo avisa. Slachtoferhulp tambe a wordo avisa. E famia tabata preparando maleta pa bandona Aruba, y laga e homber su so. E señora ta bisa cu e homber tin un voorwaardelijke straf caba na Merca pa cosnan cu e lo a comete. Kico precies, e no kier a conta.

Kisas na warda e lo conta. Polisnan a constata cu e señora tabata hopi altera y casi e no por a splica kico tabata pasando.

Despues cu tur cos a caba na e cas, polisnan mes a core su dilanti. El a core su tras cu e van y e shete yiunan y asina yega na warda di Shaba, caminda polisnan a bay scucha tur partido y mira kico tin tras di e informacion cu nan a duna, relaciona cu algo delicado cu a sosode na e cas y cual motibo a tuma e decision pa bandona Aruba y laga e homber su so. Pero e homber a bisa, cu ningun hende ta bay y e lo mata tur den e cas cu un cuchiu.

Danki Dios, polisnan di Noord y Strandpolitie a reacciona rapidamente y awe, henter famia ta na bida.

Polis ta investigando e caso aki.

Comments

comments

home improvent