Manera ta conoci debi na problemanan cu e empleadonan di Serlimar tin varios bario cu no a haya servicio di piki sushi e ultimo dianan. Esaki a hasi cu un cantidad mas grandi cu normal di hende tabata tin sushi acumula. Pa deshasi di esaki por a nota mas auto y pick up cu normal para den rij diasabra mainta na Dump. Un 15 minuut prome cu 12 or ya caba e empleado di Dump a haya ordo di su supervisor pa cera e luga.
Hopi persona para den rij a rabia y asistencia di Polis tabata necesario. E personanan tabata comenta cu nan ta compronde cu di un banda dump tin su orario pero cu e siman aki ta un caso apart. Esaki ta relaciona cu e mesun trucknan di Serlimar no a pasa den bario.
