Diasabra atardi pa mas o menos 5:40, Polis a duna un asistencia na Yang Minimarket cu ta situa na Savaneta. Aki nan a topa cu un homber burachi y tabata haciendo fastioso dilanti e minimarket.
Di biaha nan a acerc’e y papia cu ne riba su conducta. E homber no kier a tende y a cuminsa bira mas agresivo. E momento ey el a cuminsa grita e polisnan pa tur sorto di cos. Na diferente ocasion e polisnan a pidi e homber pa calma, pero e no tabata haci caso.
No a keda e polisnan nada otro pa detene e homber y transport’e pa warda di San Nicolas. Aki un biaha mas e homber no tabata comporta y a nenga di baha for di e patruya. Polisnan mester a uza forsa contra di e homber p’asina por a bah’e for di e auto y hinc’e den un cel pa sosega su curpa.
