Diaranson atardi laat Minister President, Evelyn Wever-Croes, a sali den un vuelo riba KLM pa Hulanda y a yega diahuebs mainta. Di biaha el a bay reuni cu Minister Knops pa papia riba e 2 condicionnan cu Hulanda a manda, di cual Aruba lo mester a cumpli cu ne pa por a haya e suma necesario pa por paga FASE, Subsidio di Salario y otro gastonan.
Diabierna el a reuni cu Rijksministerraad y no a yega na un acuerdo cu nan, pa cual no a haya e suma necesario. Diasabra pa 12:00PM ora di Hulanda, el a sali for di Amsterdam pa Boneiro y pa den oranan di atardi a yega Aruba.
Segun e protocol estableci pa tur cu yega for di exterior, a haci test di Covid cu Minister President y mester bay den cuarentena pa 24 ora en espera di e resultado. El a informa cu no lo papia e momento ey y cu dialuna lo duna mas informacion.
