Diasabra anochi pa 8:50 pm a drenta informe di un posibel chauffeur burachi coriendo riba camind’i Savaneta y bayendo ariba. Polis a topa cu e auto marca Chevrolet modelo pickup na altura di Wendy’s Cura Cabay. A sigui su tras y a logra par’e net prome cu yega Cayenastraat.
A baha e chauffeur for di auto y a deten’e mesora pa stuur auto bou influencia di alcohol. A bis’e su derechonan y a transport’e pa ward’i polis pa ey present’e dilanti un sub fiscal.
