Polis a cera Gusto Bar & Restaurant diabierna 8’or di anochi

4868

Diabierna anochi e popular sitio di diversion Gusto a haya bishita di Polis. Polis a informa nan cu nan tin cera nan portanan debi cu nan ta cay den e categoria di negoshi cu ainda no mag habri.

E propietario di e lugar a informa Polis cu nan vergunning ta un vergunning di Bar y Restaurant pa cual nan tambe mag di habri. Polis a keda insisti cu nan tin cu cera. E propietario a nenga na prome instante mirando cu e la busca conseho huridico promer cu e la habri y durante e conferencia di prensa di Gobierno a anuncia cu barnan por habri.

Despues di a ricibi un boet a dicidi nan a dicidi toch di cera e lugar banda di 9 or di anochi. E propietario di e negoshi tambe ta propietario di Lobby Bar & Restaurant cual tin e mesun tipo di vergunning y esaki si por a keda habri.

Polis a bin cera Gusto diabierna 8 or di anochi

Polis a bin cera Gusto diabierna 8 or di anochi. Click e link pa mas https://24ora.news/3dEJ8tr

Posted by 24ora on Saturday, June 6, 2020

E propietario ta sinti cu tin algo personal of specifico contra Gusto mirando cu mayoria otro bar rond di Aruba tabata habri.

Gusto ta deliberando cu nan abogado pa asina mira kiko e sigiente stap lo ta mirando cu nan a perde hopi placa durante e ultimo lunanan. Gusto hunto cu e otro negoshinan di e propietario ta consisti di 60 empleado.