Diasabra net prome cu 6:00pm, Polis a bay un cas na Madiki Kavel pa un problema den famia. Un yiu muhe a saca cuchiu pa su mama. E mama a spanta y sali for di cas pa yama Polis.
Ta varios biaha caba cu tin problema na e mesun cas aki na Madiki Kavel. Polis cu a presenta a papia cu e yiu muhe y despues a pone na boei pero no a detene. Pa su seguridad a pidie pa nan hibe warda di Playa. Eynan a pidi presencia di slachtofferhulp pa atende cu e problema di e hoben femenino aki.
E canamento cu cuchiu den cas constant tabatin e mama basta spanta. E situacion a calma cu presencia di Polis.
Awor lo mira con por bay yuda e hoben y tambe su mama pa asina evita cu algo lo bay robez si e hoben bolbe cas.