Praktijkondersteuner in opleiding ta finalisando nan estudio riba e parti di diabetico, pero lo ta terminando esaki cu un charla pa pueblo di Aruba tocante diabetes.
E charla di Diabetes Melitus lo tuma luga dia 27 di maart na La Cabana Ballroom di 9:00am – 3:00pm. E dia aki lo ta uno completamente yena cu informacion y con pa trata cu diabetes, kico ta e complicacionnan di diabetes, con pa tene un dieta balansa y ki tipo di movecion por haci. Nan ta spera pa un y tur yega e ballroom. No mester inscribi pa participa na esaki, pero djis yega tende tur cos cu tin di haber cu diabetes.
E charla di Diabetes Melitus lo tuma luga dia 27 di maart na La Cabana Ballroom di 9:00am – 3:00pm. E dia aki lo ta uno completamente yena cu informacion y con pa trata cu diabetes, kico ta e complicacionnan di diabetes, con pa tene un dieta balansa y ki tipo di movecion por haci. Nan ta spera pa un y tur yega e ballroom. No mester inscribi pa participa na esaki, pero djis yega tende tur cos cu tin di haber cu diabetes.
E mainta lo cuminsa cu un splicacion kico ta un Praktijkondersteuners Huisartsenzorg (POH), unda cu lo ta splicando nan funcion cerca dokter di cas y con nan por yuda pashentnan cu ta diabetico. Natasha Upegui, Praktijkondersteuner di dokternan di cas, a bisa cu dr. Vis lo splica kico ta diabetes, hopi cortico y hopi facil. Lo tin 2 nurse di diabetes di hospital pa splica kico ta e complicacionnan di diabetico. Tambe lo conta cu presencia di Sheila Beddo, Pascal Ulstar, Stephany Correa y Daniela Chica, Stacy Greaux, Haydee Bermudez y Dennrich Kelly na e charla aki.
Mirto Tromp cu ta mondhygienist lo splica pakico ta importante cuido di djente ora ta un diabetico. Tambe lo tin Angelique Salsbach cu lo papia over di cuminda. Kimberley de Groot cu ta specialisa den pia y lo papia pakico ta importante pa controla pianan ora ta diabetico. E dia lo ta yena cu profesionalnan, kendena lo traha nan charlanan specificamente pa e pashentnan.
Nan kier yega na e pashentnan cu ta diabetico, yega na nan famia. “Unabes cu bo ta sufri di un malesa cronico, e ta afecta bo famia tambe. Nos kier invita famia”, segun Natasha Upegui. Ta habri p’e assistent di dokter, kende ta e prome persona cu ta papia cu pashent. Tambe henter pueblo di Aruba, pasobra e ballroom ta carga suficiente hende. E evento ta completamente gratis y lo por cumpra un lunch entre 12:00-1:00pm na La Cabana mes.
POH ta cay bou di dunado di trabou Wit Gele Kruis. Nan ta manda esunnan di POH na dokternan di cas, unda nan ta cuminsa yama e pashentnan pa asina cera conoci cu nan. Ta haci e testnan necesario, ta tuma tempo y papia cu e pashentnan. E dokter di cas tin 10 minuut cu pashent pero POH tin mey ora pa papia cu e pashent pa tur cos cu ta pasando rond di dje y e enfermedad diabetico.
POH ta controla y guia pashentnan, pasobra ta un enfermedad cu ta afecta hopi Arubiano riba e isla. Nan kier trece mas informacion eyfo. Por duna tipnan y guia, pero tambe scucha e pashent tambe. El a sigui bisa cu nan por contesta tur pregunta y si no sa e contesta, nan lo busca tur informacion. Ta importante p’e pashent sa cu nan ta traha conhuntamente cu dokter, pero bou supervision di e dokter. Na final tur cos cu nan dicidi ta basa riba un protocol y dokter ta para nan tras, segun Natasha Upegui. Pa mas informacion over di e charla por bay riba e facebook page, e lo tuma luga dia 27 di maart den La Cabana Ballroom di 9:00am – 3:00pm. Cada dokter di cas tin un POH y por acerca nan, kendenan por duna mas informacion over di e charla. Pa dia nan ta mira hopi hende, p’esey ta den e fase pa mira 8 – 10 hende. Ta haci esaki pa por duna e calidad di cuido necesario cu cada pashent mester. Mas POH bin afo pa splica kico nan ta haci, kico tur nan ta significa pa pashent, mas e pashentnan ta yega cerca nan.
