Bureau Krediet Registratie a reuni cu minister Geoffrey Wever pa duna conseho riba e iniciativa di kredietverstrekking (prestamo). E mandatario di Aruba kier bin cu un kredietregistratie cu ta screen tur esunnan cu kier pidi prestamo, pero tambe cu tur instancia cu ta haci prestamo por sa si e instancia of persona tin mas debe.
Peter van den Bosch, CEO di Stichting BKR, a indica cu nan ta contento cu e bishita di Minister di Economia, mr. Geoffrey Wever. Tambe nan ta contento cu n’e isla tin e iniciativa pa percura p’e kredietverstrekking bay mas facil, unda hende por haya credito y paga menos interes. Esey ta loke ta pasa na momento di registra credito, tin biaha hende no ta hay’e bon cu ta registra credito.
En realidad e ta un efecto cu e banconan sa na ken ta proporciona credito y asina ey e interes ta bira menos. E ta un bon iniciativa di Aruba pa pone e ley aki den funcionamento. El a papia cu e mandatario riba ki conseho e por dun’e.
Van den Bosch a splica cu desde 1965 nan ta haci e tipo di trabou aki. Na Hulanda nan ta haci esey cu consenso y a purba esey hunto. El a sigui splica hunto cu e banconan den norma di stichting. Pero na Hulanda, nan a scoge pa bin cu un ley.
Algun asunto mester ta pasa pa parlamento unda tin di tuma cierto decision di kico si y no mester ta registra. Pa loke ta trata e parti di ley, Aruba ta un tiki mas adelanta cu Hulanda.
Pa mas lesa TREMPAN.COM.
