Cu maximo urgencia a pidi presencia di autoridad pa duna prome auxilio na un persona cu no tabata duna señal di bida. A bin topa cu ne tira abou band’i caminda den Arendstraat na Playa.
Testigonan na e sitio a conta cu nan tabata trahando den cercania, a bay hala nan auto y na e momento ey a topa cu un persona tira band’i caminda. Mesora a bati alarma pa asina por cuminsa duna asistencia prome unidad di polis cu a yega na sitio a cuminsa cu e proceso pa reanimacion.
Esaki a tuma luga den careda di 11:20 am. Un enfermera, cu a bin encontra cu e situacion, a bin duna prome asistencia mientras tabata en espera di ambulance. A haya informacion cu ambulance mester a desvia di un otro incidente pa yega na Arendstraat mirando e urgencia di e caso.
Locual cu por bisa te na e momento aki ta cu trata di un persona masculino di edadhalto. A bin hay’e boca abou tira den e parti caminda tin mata band’i caminda. Te na e momento aki ta bringa pa reanima e persona aki. Diferente unidad a yega sitio pa haci tur esfuerso posibel.