| Diamars anochi pa 9:10 pm a presenta un problema entre un turista y algun hoben local. Despues di un discusion, a start un persecucion riba Green Corridor pasa Savaneta y caba te na rotonde di FTA na San Nicolas. Patruyanan di polis a sali pa para e persecucion peligroso aki. |
Na altura di Carnival Museum a para e auto marca Honda color preto cu algun hoben aden. Y na altura di ImSan, pariba di Pitstop San Nicolas, a para e turista masculino den e V-wagen.
Durante e proseso di control, a bay check papel di e chauffeur di e Honda color preto pero ningun hende tabatin un rijbewijs valido den e auto. No a resta polis nada otro di laga tur hende na pia y coy e yabi di auto te ora un hende cu rijbewijs bin busca esaki.
